ng labingwalong taong abala
sa kani-kanilang buhay
may dahilan sila para manindigan
na wala silang ipanagpabaya
sibilisado ang magturing
na basura ang basura, tuldok
pero alam ng aleng binubuhay ng pagpag
at pala-palapag ng mga basura
ang kaibhan ng hininga at karton
hindi siya abala,
kaniya ang mundo
ng panis at galis, ng sulasok
barbarismo ang pangangalkal
ng ginto sa lungsod
may dahilan siya upang ituring kang tao
kayamanan sa siwang ng pagiging sibilisado
Yueyue, kilala ng mundo
ang ililigtas nito
hindi ka biktima,
ika'y mata
ng pagsasala.
