i.
hindi malulusaw ng patawad
kalam sa tiyan ng mga kapuspalad
ito'y lasong nagsusumibol sa dila
ng mga halang ang bituka
tulad ng mga santo-santuhang naghohosana
sa altar ng mga hostiyang pamanhid sa madla
ii.
hindi malulusaw ng patawad
kalam sa tiyan ng mga kapuspalad
ito'y lasong nagsusumibol sa dila
ng mga halang ang bituka
tulad ng duwendeng nagdrama sa ere
aataduhin sila ng mga dakilang erehe.
Walang komento:
Mag-post ng isang Komento