Slogan mo, "Tayo na sa Daang Matuwid." Mabigat!
Okay, naiintindihan kita. Gusto natin 'yan.
Noynoy Aquino, aming kapita-pitagang pangulo,
Ang pagbabago ay isang salitang madugo.
Sabi mo, "Wala nang Wangwang." Ayos!
Okay, luluwag na ang karsada.
Noynoy Aquino, aming mahal na pangulo,
Andami pa ring Buwang sa Kongreso.
Sabi mo, "Kayo ang Boss ko!" Matindi!
Okay, kaya naman obligado kaming tasahin ka.
Noynoy Aquino, aming dakilang pangulo,
Ang hatol nami'y ibagsak ang iyong grado.
*Hulyo 25, 2011. Unang SONA ni Pnoy. Huwag pauuto.
Walang komento:
Mag-post ng isang Komento