kung babalik ka na
hayaan mong ayusin ko ang banig
hayaan mong buksan ko ang bintana
buksan ang pinto
linisin ang lahat
mulang naaamoy hanggang sa lahat ng tanaw
at hawak, at mahahawakan ko
hayaan mong ayusin ko
ang lahat ng mali sa paligid
pero hayaan mo rin sanang panatilihin ko
ang mga mali at dumi
na itinatak mo
sa nagrungis kong ako
ikaw lamang ang makaaayos
maglilinis nito
Walang komento:
Mag-post ng isang Komento