Sakay ng dyip
isang matandang babaeng yakap
ang imahen
ni Santa Mariang Ina ng Diyos.
Pikit-matang nagdadasal.
Nakalingkis
sa kanyang kamao, isang puting rosaryo.
Pasakay sa dyip
isang dalagang estudyante.
Nagmamadali--
manapa'y mahuhuli
na sa klase.
Puting uniporme,
pagnanars ang karera
ng dalaga.
Naapakan ng dalaga
ang paa ng matanda
"Ay! Putangina!" bulalas ng matanda.
"Sorry po." tugon ng dalaga.
"Punyeta! Mag-ingat ka!" balik ng matanda.
Nakaabot sa kaniyang klase ang dalaga.
Naholdap sa Quiapo ang matanda.
Walang komento:
Mag-post ng isang Komento