Hermit

Paano ka nila sinusukat,
Paano ka nila inuungkat?

Sa kapal o nipis ng pitaka,
Sa graduation pic ba o diploma?

Sa antas ba ng iyong tinapos,
Sa kintab at tatak ng sapatos?

Sa amoy ba ng iyong pabango,
Sa etiketa, butones ng polo?

Sa iniinom mo bang kape,
Sa pintura ng iyong kotse?

Ganyan ka ba nila dinadangkal,
Ganyan ka ba nila binubungkal?

Huwag kang mag-alaala, huwag.
Imulat mo, silang mga bulag.