mainitin ang iyong ulo at di ko maarok
ang lagay ng iyong rollercoaster
na disposisyon. mahilig ka sa eya
at mahilig mangurot. bigla-bigla kang
nananampal at nagsasabi ng mga bagay
na tumutusok sa aking dibdib. mahilig
kang umiyak. hindi mo rin tiyak
ang iyong ugali. napakaraming bagay
na maaaring nagbigay sa atin
ng malawak na espasyo ng paglayo
pero may iisang dahilan lamang ako
para tanggapin ang lahat at ngumiti
sa upside-down mong sarili: ikaw
ang byuti in this ever complex nating
society.
Walang komento:
Mag-post ng isang Komento