pinagbubuklod tayo
ng iisang sikdo
nagtipon sa harap
ng mga baso't nagkikislapang pait
pinagsasaluhan
aral ng lipunan
tayo
ang mga hijo y hija de puta
hindi nakakahon
sa rangya
ng mga medalya,
laurel at palakpakan
dahil sambayanan
ang una't huli nating
pinaglalaanan
ng buhay at sining
tayo
ang humuhubog
sa pambansang katubusan
sapagka't pinagbubuklod tayo
ng iisang sikdo:
rebolusyong kultural
ang ating tinutungo
Walang komento:
Mag-post ng isang Komento