ganito ka nila nilansi:
habang taimtim mong
inaantabayanan kung
tatama nga ba sa bansa
ang rocket launching
ng Hilagang Korea,
nakalapag na ang bota
ng bagong tropa ng Amerika.
habang nagninilay ka pa't
may hangover ng Kuwaresma,
habang nagbababaan
ang nilimliman mo't nagpanata,
habang wala kang muwang,
habang meron pang puwang--
ibinalangkas na ang balak,
matatalas na mga tabak--
kagabi
isa-isa kayong nilagari.
Walang komento:
Mag-post ng isang Komento