limang taon na Jonas
at wala pa rin ni bakas
ng iyong yapak
kung kailan ka lalantad
o illalantad
makapaghihintay kaming
naghahanap
kaming limang taon nang
may bakanteng plato
at baso, kutsara at tinidor
puwang sa malungkot
na upuan
sa hapag ng katarungan
kung sakaling bukas
ay magbalik at ibalik ka
buto man o payat na binaliw
magsasalo tayo, Jonas
habang nililitis ang mga
berdugo.
Walang komento:
Mag-post ng isang Komento