hindi lamang tulang naisasatitik
ang tulang aking nalilik-
ha para sa iyo.
tula ang pag-aayos ko ng iyong
buhok na sinagasaan ng walang modong
hangin tula ang mga titig ko sa iyong
nagpapaunawa ng aking mga naisin
at hangarin
tula ang paglalakad natin
sa ilalim
ng marahang patak ng ulan
tula ang kamay
kong maririin
ang dantay
sa iyong balakang
tula ang palad kong nakaniig
sa iyong palad
tula ang mga paghihintay at mumunting
handog
tula ang namimintog
na ngiti sa aking labi
tula ang mga pagbabakasakali
na sarilinin natin ang daigdig
tula ang bawat kong pananalig
tula ang lahat kong pag-ibig
tula ka ng aking daigdig.
Walang komento:
Mag-post ng isang Komento