Nakaupo siya sa bench
sa ilalim ng mabulas na puno.
Indian sit--
katabi ang aklat na Toward A New Poetry
ni Diane Wakowski
na tinamad na niyang basahin,
matapos ang chapter na pinamagatang
Form is the Extension of the Content.
Umaambon.
Kinunulit ng pipit ang puwit ng puting aso.
Nagtatawanan ang mga estudyanteng pauwi.
Sa langit, mas nangingitim ang mga ulap.
Madali siyang tumayo, masakit na ang puwit niya,
tulad marahil ng sa asong puti.
Papalayo sa bench,
nalulusaw ang mga kahapon.
Magalak siyang pupunta sa hinaharap.
Walang komento:
Mag-post ng isang Komento