sa tuwinang itatapat mo sa kuweba
ng iyong tainga,
huwag mong ipagtataka ang awit-dagat
na nagkulong sa loob ng kabibi.
batid mo namang ang agos at kampay
ng mga alon, hampas ng hangin sa
layag
ay himaymay lamang ng utak mong
lumalang sa mundo.
ang balintataw mo'y sa bungo nakatitig
at ang tainga mo'y
nagtago sa anit; huwag ipagtaka--
uniberso ang sintido
sa loob ng iyong ulo.
Walang komento:
Mag-post ng isang Komento