Senyal ng pag-asa ang nagtiim na kamaong
Nagtututuldukan sa hangin--
Pahiwatig ng tining sa nagburak na kasalukuyan,
Bahagharing maglaho ma’y nagrikit, sumilip.
Mga sibol sa siwang ng nagwasak na gusali,
Matindig na pundasyon
Ng nagbukbok na bahay-na-bato--
Huwag mong babalewalain ang senyal na ito,
Dahil sila ang kamay na mag-aahon
Sa iyo,
Sa kalbaryo.
Walang komento:
Mag-post ng isang Komento