Nasa kasuluksulukan siya ng kanto, ngumangawa'ng bituka.
Sa bahaging hindi makukurot ng liwanag ng posteng-ilaw.
Ni makakanti ng nakatitig na laksang bituin.
Taimtim ang lakad ng pusang maniniktik ng pinaghapunan.
May hilik na dumadatal sa pisngi ng pader.
Tahimik sa pag-awit ang maputlang hangin.
Isang lalaking makintab ang katad, umbok ang puwit, papalapit.
Nagpakita ang buwan sa pisngi ng bente-y-nuwebe.
Bintanang umingit sa biglang bukas ng naalimpungatang ale.
Walang komento:
Mag-post ng isang Komento