Nagsaing sila
ng alinlangan.
Kumukulong duda ang init
sa loob
ng kaldero nilang dibdib.
Sandali na lamang,
mai-inin na
ang isinasaing. Hindi
nasunog ni nalata,
inihapag nila sa dulang
ang galit at pangamba.
Kakain sila ng pagdududa
at selos.
Sasayaw sa mesa
ang mga kubyertos,
mga mata at bibig.
Baliktad-sikmurang
magpapaalam sa dulang,
maghihiwalay
silang
bagong-lalang.
Walang komento:
Mag-post ng isang Komento